Бәлки без дә чагабыздыр

Җәй көне кайтсак авылга,
Барчабызның кот чыга.
Чөнки сизми дә каласың –
Һәрвакытта корт чага.

Бала – чага булгангамы,
Безне күп тә чага ул.
Кайтып та тормаска иде,
Сагындыра шул авыл.

Бала – чага дигәч, без дә
Корт кебек чагабыздыр.
Әти һәм әниләр өчен
Шундыйрак чагыбыздыр.

Тиккә генә “чага” диеп
Әйтмәгәндер бабамнар.
Йөрәкләренә җәрәхәт
Ясагандыр балалар.