«Якты дөньяларга үзең…»

***

Якты дөньяларга үзең

Китергәнсең бит, Ходам.

Күрәчәгем күрә — күрә,

Син сызган юлдан узам.

 

Зарланырга да ярамый,

Син түзәргә кушасың.

Тыныч кына кичерәбез

Бу тормышның нужасын.

 

Теләкләрем тели – тели,

Догалар укыйм көн дә.

Син кушканнан тайпылмасын

Дөньялыкта беркем дә.

Добавить комментарий

Ваш e-mail не будет опубликован. Обязательные поля помечены *