“Мөслим тугайлары” фольклор ансамбле Мөслим музыка мәктәбе каршында Татарстанның атказанган мәдәният хезмәткәре Фәнис Абдуллин җитәкчелегендә 1986 нчы елда оеша. Ансамбльгә музыка мәктәбе укытучылары белән бергә өлкән яшьтәге үзешчәннәр дә тартыла. 1990 нчы елда Әзербайҗанның Баку шәһәрендә “Хары бүлбүл”(“Сары сандугач”) исеме астында үткәрелгән Бөтендөнья фестивалендә катнашып, ансамбль лауреат булды. 1991нче елда ансамбльгә Халык ансамбле дигән мактаулы исем бирелде. Бу исемне ул Санкт -Петербург, Казан, Түбән Новгород, Ульян сәхнәләрендә, Татарстан телевидениесе аша чыгыш ясап, күп тапкырлар яңартты. “Мөслим тугайлары” фольклор ансамбле әгъзаларыннан тупланган тальянчылар ансамбле ел саен оештырыла торган Фәйзулла Туишев исемендәге гармунчылар бәйгесендә һәр елны уңышлы чыгыш ясый.Татарстанда гына түгел, илебезнең төрле төбәкләрендә үткәрелә торган сабантуйларга бара ансамбль. Ул бүген дә актив эшли, репертуары яңара, яшьләр белән тулылана тора. “Мөслим тугайлары” фольклор ансамбле — районда үтә торган һәр җаваплы чараның көтеп алынган кунагы.

«Усыкай буйлары» фольклор ансамбле

«Усыкай буйлары» фольклор ансамбленең 9 нчы мартта (2016) район мәдәният сараенда ясаган чыгышыннан кыскартылган язма.

https://yadi.sk/d/nvoeICXvq3iC8

 

«Поляркас» фольклор ансамбле

«Полеркас» фольклор ансамбленең 9 нчы мартта (2016) район мәдәният сараенда

ясаган чыгышыннан кыскартылган язма.

https://yadi.sk/d/7RWGCAGcq3kkD

 

 

Фәнис Абдуллин җитәкчелегендәге «Мөслим тугайлары» фольклор ансамбле чыгышы. 2015.

Фәнис Абдуллин гармуннарда (хромка, кечкенә тальян) халык көйләрен уйный. Аккомпониатор — Радик Газизов.

Трио.Уен коралларында: Фәнис Абдуллин, Мөҗәһит Әхмәтҗанов, Радик Газизов. Уен кораллары: баян, каен тузы, саратов гармуннары, курай,кечкенә гармуннар, авыз гармуны.