Кояш нурында коена

Бар табигать баласы.

“Иман нуры “ каян килә,

Аны каян аласы?..

 

Иман нуры иңә икән

Игелек кылганнарга.

Ата – анаңа хөрмәтле,

Шәфкатьле булганнарга.

 

Иман нуры догалардан

Күчә диләр җаныңа.

Шуны аңлаганнар гына

Басалар намазына.

 

Иман нуры – Ходаебыз

Биргән иң олы бүләк.

Ул беркайда да сатылмый,

Аны алмыйлар түләп.

 

Иман нурларыннан башка

Һич яшәргә язмасын.

Бу турыда яше – карты-

Һәрберебез аңласын.