Авылны сагынгач, нигә
Авылдан киттең? дисең.
Әллә сагынып яшәүнең
Бер тәмен дә белмисең.

+2

0

Чишмәләрне җырлый, дибез,
Бәлки, алар елыйдыр.
Башыбызга да килмәгән
Әллә ниләр уйлыйдыр.

0

0

Сүз бирешик:
Бер – беребезгә
Итә күрмик хыянәт.
Ул – миңа да кыямәт,
Ул сиңа да кыямәт.

+51

0

Чыпчыклар су коена –
Яңгыр юлга җыена.

+40

0

Кояшка җитүен җитми,
Әмма болыт аша нуры
Барыбер үтми.

+24

0

Ялгыш кына гайбәт сөйләп аттым.
Сизми калдым хәтта үзем дә.
Каян килгән андый әшәкелек
Сөяксез бер газиз телемә. Читать далее →

0

0

Гөлчәчәкнең исемен
Алыштырып куйдылар.
Һаман шуны иң матур
Чәчәк диеп җыйдылар.

0

0

Елмаюны бүләк иткән
Ходай бары Кешегә.
…Бишектә сабый елмая,
Авызда юк теше дә.

0

0

Үзен күккә чөйгәннәргә
Мөкиббән китеп тора.
Рәхмәт әйтәсе урынга,
Тагын кайчан чөярләр дип,
Явыз ниятен кора.

0

0

Матур күренәсең килсә,
Кешеләрнең җаннарына
Керә белергә кирәк.
Кешеләрнең, табигатьнең
Бөтен булган матурлыгын
Күрә белергә кирәк.

0

0