Айдар, куян һәм бүре

Айдарның тере куянны
Бик тә күрәсе килгән.
Куян артыннан урманга
Барып керәсе килгән.
Аркасына биштәр аскан,
Аякка чаңгы таккан.
Буранлы көн дип тормаган,
Урманга чыгып чапкан.
012_Deti_na_lyzhah_Cute_little_boy_skiing_downhill_Foto_Vladislavs_Zadjko_-_Depositphotos
 
Әй эзләгән ул куянны
Көртләрне ера – ера.
Барган саен авылыннан
Ерагайган бит ара.

 6

Йөри торгач, ул урманда
Арыган, талчыккан, ди.
Шул чагында каршысына
Бүре килеп чыккан, ди.

Ә ул бүре “Ну, погоди!”

5ro
Мүлтиеннән булган, ди.
Яңа гына бер куянны
Җан – фәрманга куган, ди.
 
Айдарны – таныш малайны –
Күргәч,  шундый сөенгән.
Тик ач калуына гына
Беркадәре көенгән.
 
Айдар белән бергәләшеп
Утырып сөйләшкәннәр.
Бөтенесе турында да
Яхшылап киңәшкәннәр.
 
Айдарның таякларына
Шунда бүре җигелгән.
Чаңгы эзеннән авылга
Малай кабат җилдергән.
Өйгә кайткач, ул мескенне
Туйганчы сыйлаган, ди.
30.08_mult
Тик бүре телевизорга
Нишләптер сыймаган, ди.
Аннан соң бүре урманга
Яңадан кайтып киткән.
Айдарга тагын мүлтиле
Кызык төш бүләк иткән.