«Кояш та шәп карый, башым…»

***

Кояш та шәп карый, башым

Ял итсен дип беразга,

Чәчемне алдырган идем,

Охшап калдым бер тазга.

 

“Башың күзне чагылдыра …” —

Дигән була кызлар да.

Чыш та пыш килешкән булып

Көлешәләр үзара.

 

“Инде ни әйтерсез микән

Бу гамәлемә?” – диеп,

Икенче көнне мәктәпкә

Килдем түбәтәй киеп.

 

Көлмәделәр дусларым да,

Көлмәде апалар да.

Дин һәм йола дәрәҗәсен

Беләләр бит алар да.

Добавить комментарий

Ваш e-mail не будет опубликован. Обязательные поля помечены *