Әмәкәй авылы егете, язучы, шагыйрь, үзешчән композитор, Татарстанның атказанган мәдәният хезмәткәре, Г.Исхакый, Александр Грибоедов исемендәге әдәби премияләр лауреаты, «Тәрҗемә олимпы» һәм «Кояшлы иҗат өчен» Халыкара бүләкләр иясе, филология фәннәре кандидаты, «Көмеш кыңгырау» гәзитенең баш мөхәррире Факил Сафинга 2014 нче елның 2 нче гыйнваренда 60 яшь тула. Шул уңайдан Яр Чаллы шәһәренең 4 нче татар мәктәбендә якташыбыз хөрмәтенә шәһәркүләм әдәби чара үткәрелде.Анда Мөслимнән дә делегация катнашты һәм язучыны якынлашып килүче олы юбилее белән тәбрик итте.