28 нче март көнне Зифа Басыйрова исемендәге район мәдәният йортында бертуган Нәҗмиевләр истәлегенә татар халык уен коралларында уйнаучыларның конкурсы булып узды. Фойеда исә кул эшләре күргәзмәсе һәм  конкурсы да оештырылды. Жюри ике төр конкурстагы җиңүчеләрнең дә эшләрен бәяләде. Кич белән, галаконцертта Татарстанның мәгариф һәм фән министры Э.Н.Фәттахов, район башлыгы Р.Х. Муллин һәм башка күренекле шәхесләр катнашты.

Түбәндәге концертта сез якташ җырчыларыбыз Азат Кәримов һәм Рөстәм Гыйльфановларны, баянчы Айдар Әхмәтҗановны күрә һәм тыңлый  аласыз.

27 нче март көнне Мөслим гимназиясендә Татарстан Язучылар берлеге, “Татмедиа” ачык акционерлык җәмгыяте филиалы “Мәгариф” журналы редакциясе, Казан шәһәре, Яр Чаллы, Минзәлә, Түбән Кама шәһәре, Мөслим, Тукай , Әлмәт, Бөгелмә, Тукай, Азнакай, Сарман, Актаныш, Мамадыш, Чирмешән, Зәй, Апас муниципаль районнары укытучылары һәм укучылары катнашында 2 нче Россиякүләм “Фоат Садриев укулары – 2015” үтте.Чара Мөслим гимназиясендә татар теле һәм әдәбияты укытучыларының эшчәнлеген яктырткан күргәзмә карау белән башланып китте. Аннан соң укучыларның һәм укытучыларның фәнни – эзләнү, проект эшләрен тәкъдим итү булды. Чара ахырында җиңүчеләр дипломнар һәм сертификатлар белән бүләкләнде.