Телләре күп булган өчен,

Ике рәткә тезгәннәр.

Аның белән төрле илләр,

Океаннар гизгәннәр.

+1

0

Үзе кыллы, үзе телле,

Идәндә басып тора.

Уйнарга теләгән кеше

Иң беренче – утыра.

+1

0

Гармуннарның патшасы мин,

Телләрем йөздән артык.

Яшьләр кулында йөримен,

Тиз генә килмәс картлык.

+2

0

Бер телемдә — ике тавыш,

Кыңгыравым чыңлатам.

Биетәм дә, җырлатам да,

Кирәк икән – елатам.

+1

0

Сиптерәләр, өздерәләр,

Тарталар, сайраталар.

Җырлатса да, елатса да,

Үзен гел яраталар.

+1

0

Килде, басты һәм тартты,

Шуннан абруе артты.

Әбиләрне, бабайларны

Уйлатты да елатты.

+1

0

Борынгы булсам да, мине

Онытып бетермиләр.

Милли гармуныбыз диеп,

Сәхнәдән төшермиләр.

+1

0

Иң озын муен миндә,

Иң кыска исем миндә.

Кылларымны чирткәләп,

Көй чыгар инде син дә.

+1

0

Нечкә муен,

Пар кыллар.

Чиртер иде

Бар куллар,

Яшьләр уйный

Белмиләр,

Шуңа якын килмиләр.

+1

0

Күреген дә тартмыйсың,

Теленә дә басмыйсың.

Авызыңа кабасың да

Бер моңланып аласың.

+1

0