Мөслимдә бер драматург,

Һәм  иң кәттә язучы.

Авылда яшәп, бердәнбер

Халык исемен алучы.

0

0

Харрас Әюп – олы шагыйрь,

Нәшриятта  баш мөхәррир.

Аннан гайре спортчы да,

Өстәвенә музыкант та

Бармы икән берәр ир?

0

0

Зөлфәт Зөлфәт булып кала,

Зөлфәт – безнең горурлык.

Үзен Тукайга тиңләгән

Ун шагыйрьгә торырлык.

0

0

Үзбәкнең бар Зөлфиясе,

Ә татарның – Зөлфәте.

Зөлфәтнең  бар Фираясы,

Фираяның Дөлфәте –

Бик кадерле өлфәте.

0

0

Флүс, Флүс дия торгач,

Үсте Латыйфигача.

Иң беренчеләрдән булып

Күчте ул латинчага.

0

0

Якташларны барлый ул,

Китап язып армый ул.

Авыл өчен, халкы өчен

Бигрәкләр дә важный ул.

0

0

Укытучы да, галим дә,

Язучы да ул Факил.

Сәнгатьнең бөтен төрендә

Мөслимебездән вәкил.

0

0

Мөслим данын җырларында

Яңгыратты Шәмсия.

Чөнки бит ул туган ягын,

Мөслимен шашып сөя.

0

0

Симәктә тугансың икән –

Син инде Мөслимнеке.

Зөбәергә күченсәң дә,

Барыбер үзебезнеке.

0

0

Бер карауга гап – гади син,

Үзебезнең Бүләктән.

Ул галимлек һәм шагыйрьлек

Сиңа кемнән эләккән?

0

0