Тормыш мизгелләре

Әлеге китапта хөрмәтле якташыбыз, күренекле мәгаллим, актив хәбәрче, шагыйрь һәм прозаик, сугыш чоры баласы, Яңа Сәфәр авылында туып, Октябрь (Теләнче) , Баек мәктәпләрендә укыткан, колхозда партоешма секретаре булып эшләгән, бүгенге көндә Бөгелмә шәһәрендә яшәп иҗат итүче, инде унынчы дистәне ваклап килүче Ягсуп ага Мортазинның шигырьләре, истәлекләре, парчалары һәм бик күп юмористик әсәрләре туплап бирелде.

Китапны төзүче һәм басмага әзерләүче мин фәкыйрегез булам.

Оныкларым бүләге

Бөек Җиңүнең 75 еллыгы уңаеннан Казанда яшәүче оныкларым Ләйлә  белән Әминә Бөек Ватан сугышы ветераннарына — мәрхүм бабаларына шундый бүләк әзерләгәннәр. Әлеге бүләк аларның рухларына  дога булып ирешсен иде…

Яңа китаплар

Әле шушы көннәрдә генә Казанда ике китабым дөнья күрде. Аларның төп нөсхәләре гарәп шрифтында иде. Мин аларны табып, үзебезнең графикага күчереп, китап укучыларга тәкъдим иттем. 20 нче йөзләрдә менә безнең дә шундый шагыйрьләребез булган. Нарат Асты авылыннан булган Әхсәншәех һәм Кәшиф Кормашевларның шигырьләре  Тукай шигырьләре белән бергә  бер үк матбугатта дөнья  күргән.

Эзем калсын

Бу тормышта һәркемнең эзе кала. Ул эз төрлечә булырга мөмкин. Кемнәрдер батырлык кыла, хезмәтендә зур уңышларга ирешә, кемнәрдер матур гаиләсе белән халык күңеленә кереп кала, кемнәрдер үрнәк балалар үстерә, кемнәрдер язучы, шагыйрь, рәссам, музыкант буларак үзләренең эзләрен калдыралар.Күңелсез, ямьсез эзләр дә калырга мөмкин. Менә андый эзләр калдырудан Аллаһ үзе сакласын.Барыбыздан да халык күңеленә кереп калырдай матур эзләр генә калсын иде.

Түрештә — Татарстан язучылары

Авылыбызның Харрас чишмәсе янында  ел саен төрле чаралар узып кына тора.Г.Камал театры артистлары, Татарстан язучылары да зур канәгатьләнү белән кунак булып киттеләр. Бу клип шул турыда.

https://cloud.mail.ru/stock/aJugZMg6Pxzytco5iZnZWZjZhttps://youtu.be/7oMbCF62VuQ