Куянның да, төлкенең дә,

Хәтта этнең дошманы.

Үзеңнең дә котың очар

Урманда күрсәң аны.

0

0

Өрә белсә, кеше белән

Дус булырга уйлый ул.

Әкиятләр искә төшсә,

Елый – елый улый ул.

0

0

Алты метр биеклекне

“Эһ” тә итми сикерәм.

Суда йөзәм һәм имезәм,

Сезгә шатлык китерәм.

0

0

Балык дисәң дә балык!..

Тора халык таң калып.

Тәмле прәннек, кәнфитләрне

Ашый кулыңнан алып.

0

0

Минем тирем – иң калыны,

Тик кышка булмый түзеп.

Шуңа мин Нил елгасында

Гомер итәмен йөзеп.

0

0

Мыркылдавы – дуңгызныкы,

Мөгезе – үгезнеке.

Аның башы – сыерныкы,

Колагы – үзенеке.

Скелеты – бизонныкы,

Ә койрыгы – атныкы.

Ул хайванның исеме ничек,

Һәм ул кайсы якныкы.

0

0