Шигърият дөньясында

Башта балкып күрендең.

Ни булды сиңа, Асия,

Нигә болай сүрелдең?

Лемон булган Ленарис,

Ленарис булган Ләбиб.

Талантын эшкә җиккәч,

Ләбиб булган зур әдип.

Баек кызы Илүсә

Ай үсәсен көн үсә.

Иҗат итә Әлмәттә,

Һәм җитәкче, әлбәттә.

Гомер буе урыс телен

Укытты балаларга.

Хәзер әсәрләрен яза

Туган телдә аларга.

 

Бер карасаң, Әхмәт – шагыйрь,

Хәбәрче дә, диктор да.

Ничек популяр булмассың,

Шәһәрдән кайтып тор да…

 

Шагыйрь дә син, прозаик та,

Комьютерсыз тормыйсың.

“Әдипләр” гә кемне генә

Син кертеп тутырмыйсың…

Яңа Сәфәрдә туган да

Хәзер яши Әлмәттә.

Төзүче, шагыйрь, язучы…

Ия  бик күп сәләткә.

Яңа Сәеттә туган да

Илләр гизеп йөргән ул.

Ык буйларын һәм Мөслимне

Мәккәгә тиң күргән ул.

Кайткан саен Казан каласыннан

Чишмәбезгә төшми калмадың.

Авылыбызны ун кат урамыйча,

Син Казанга китә алмадың. Читать далее →

Тукай бүләге була, дип,

Никләр  сине алдадылар?

Шундый бөек шәхесләр дә

Сүздә тора алмадылар.

 

Тукай бүләгеннән өстен

Бүген синең иҗатың бар.

Татар халкы сокланырлык

Харрас дигән зур атың бар.