Рәсәй Федерациясе һәм Татарстан Республикасының атказанган фән эшлеклесе,Татарстан Язучылар берлеге әгъзасы, Гаяз Исхакый исемендәге бүләк иясе, филология фәннәре докторы, профессор, Россия гуманитар фәннәр академиясенең хакыйкый әгъзасы – академигы, фән һәм техника өлкәсендә Татарстан Республикасы Дәүләт бүләге лауреаты, “Халыкара ел кешесе”, Кол Гали исемендәге Халыкара премия лауреаты, Казан университетының мактаулы профессоры, докторлык диссертацияләре яклау Советының рәис урынбасары Хатыйп Йосып улы Миңнегуловның 75 яшьлек юбилее уңаеннан 17 нче май көнне Җәлил поселогында «Гасырлар өнен тыңлап» исемле фәнни — гамәли конференция үткәрелде.

0

0

Шушы көннәрдә Мөҗәһит Әхмәтҗановның Татарстан китап нәшриятында балалар өчен  «Баллы җәй» исемле китабы дөнья күрде. Анда бал кортлары турында шигырьләр, табышмаклар, әкият урын алган.

0

0

2014 нче елның 17 нче апрелендә Мөслимнең Зифа Басыйрова исемендәге Мәдәният йортында якташларыбыз, «Татар моңы» яшь башкаручылар конкурсы лауреатлары Алинә һәм Азат Кәримовларның Мөслим тамашачысы алдында беренче иҗат концерты булды. Залда алма төшәрлек тә урын юк иде. Ике сәгатьтән артыграк булган тамаша мөслимлеләрдә  матур тәэсирләр калдырды.Алинә белән Азатны Мөслимебезгә тагын да чакырып калдылар.

0

0

2014нче елның 11 нче апрелендә район мәдәният йортында Мөслимебез сандугачы Халидә Уразаева — Спиридонованың тууына 75 ел тулу уңаеннан «Моңнарың һаман күңелдә» исемле искә алу кичәсе үтте. Кичәгә Халидә апаның балалары: Татарстан Республикасыны атказанган мәдәният хезмәткәре Лилия Галиева, Татарстан Республикасының атказанган табибы Сирень Спиридонов кайтканнар иде.Менделеевск шәһәреннән килгән «Шаян»  халык бию коллективы кичәгә тагын да ямь өстәде.

0

0

2014 нче елның 3 нче апрелендә Мөслим гимназиясендә «21 нче гасыр Кулибиннары » исемле район конкурс — күргәзмәсе булды.Бу чара райондагы Татарстанның атказанган укытучылары хөрмәтенә үткәрелде. Күргәзмәдә  укучылар тарафыннан иҗат ителгән төрле модельләр урын алган иде.Конкурска кунак булып чакырылдылар: Мөслим муниципаль район башлыгы Р.Х.Муллин, республика уйлап табучылары һәм рационализаторлары берлеге рәисе Л.Г.Гайсин, Н.М.Сунагатов, А.А.Поварова, Ф.М.Садриев һәм районыбызда яшәүче Татарстанның атказанган укытучылары.

0

0

2014 нче елның 28 нче мартында гимназиядә Казан федераль университеты, Татарстан Язучылар берлеге, мәгариф министрлыгы белән берлектә Габдулла Тукай исемендәге Дәүләт бүләге иясе, якташ язучыбыз Фоат Садриевка багышлап «Фоат Садриев укулары» исемле  1нче төбәкара конференция оештырылды.  Анда укучылар һәм укытучыларның фәнни — эзләнү эшләре тыңланды. Җиңүчеләр төрле дәрәҗәдәге дипломнар белән бүләкләнде.Укуларны Мөслим муниципаль районы башлыгы Рамил Хәмзә улы Муллин ачып җибәрде.

0

0

2014 нче елның 27 нче мартында Мөслим мәдәният йортында якташ язучыбыз, шагыйрь, композитор, филология фәннәре кандидаты, «Көмеш кыңгырау» гәзитенең баш мөхәррире Факил Сафинның 60 яшьлек юбилей кичәсе булып узды.Кичәгә Казан һәм Яр Чаллы шәһәрләреннән дә күп кенә кунаклар килгән иде.

0

0

19 нчы март көнне Олы Чакмак төп гомуми белем бирү мәктәбендә авылдаш язучы  Габдулла  Тукай исемендәге дәүләт бүләге иясе Фоат Садриев белән «Авылымның ярсып очкан кошы » исемле очрашу кичәсе булды.Кичәдә М.Әхмәтҗанов, Н.Шәймәрданова, Г.Фәрхетдинова, Азнакай районы Чалпы мәктәбеннән Р.Хәйруллина, Җ.Идиятовалар кунак булып катнашты. Чараны  татар теле һәм әдәбияты укытучысы Нурсинә Шакирьянова алып барды.

0

0

2014 нче елның 13 нче мартында Мәлләтамак тулы булмаган гомуми  урта белем бирү мәктәбендә рәсем һәм музыка укытучыларының «Заман таләпләре системасында  музыка һәм рәсем дәресләрен укыту методикасы һәм оештыру алымнары» исеме астында район методик берләшмәсе семинары булды.

0

0

2014 нче елның 12 нче мартында Мөслим лицеенда «Тарих һәи әдәбият дәресләрендә укытуның яңа формалары һәм нәтиҗәлелек» темасына  регионара  семинар үтте.Түбәндәге укытучылар ачык дәресләр күрсәтте:Әхмәтгалиева Р.Ә., Иванов А.В., Мадьяров И.И., Җәләева С.Н., Хәлиуллина Л.И., Хаҗиева С.Р. Семинарның теоретик өлешендә («1950 — 1960 нчы елларда СССРда  авыл хуҗалыгының социаль — икътисади үсеше») укучыларның чыгышлары тыңланды. Кунак булып, семинарга Исламов З.И. һәм Әхмәтҗанов М.З. килгән иде.

0

0