22 нче гыйнвар көнне Азнакайда күрнекле шагыйрь Илдус Гыйләҗевне искә алу чаралары булып узды. Казаннан, Чаллыдан һәм Мөслимнән килгән язучылар аның каберен зыярәт кылдылар, Туйкә авылында элмә такта ачтылар, балалар һәм халык белән очраштылар.

17 нче гыйнвар көнне Вәрәшбаш авылы мәктәбендә Халык шагыйре Роберт Миңнуллин булып китте. Ул әдәби иҗат буенча игълан ителгән конкурста җиңүче балаларга бүләкләр тапшырды һәм шигырьләрен укыды.

 

11 нче гыйнвар көнне Зифа Басыйрова исемендәге мәдәният  йортында Россиянең атказанган хәрби очучысы Рәшит Вагыйз улы Шәфыйковның 70 яшьлек юбилеена багышланган бик эчтлекле һәм матур чара узды.