— Кеше кадере кайчан була?
— Эшләгән чакта гына.
Бер алган биеклегеңнән
Төшмәгән чакта гына.

0

0

Әйтерсең зифа каеннар
Ак алъяпкыч такканнар.
Яшел яулыкларын бәйләп,
Юл буена басканнар.

0

0

Бу таулар бик карттыр инде,
Чәчләре дә агарган.
Сәҗдәгә киткән әбидәй,
Сафлык аңкый алардан.

0

0

Юл буенда чыбыкларга
Кунганнар да каргалар,
Безгә хәерле юл теләп
Дога укып калалар.

+1

0

Кыш килүне үзе көтте,
Өр – яңа туны көтте.
Кар яуганны тели – тели
Бөрешеп , туңып бетте.

0

0

Уку – алтын җептән келәм туку.

0

0

— Җирдә татар ничәү икән?
— Җиде – сигез миллион.
Ә шуларның ничәсендә
Яши икән милли аң?

0

0

Кыш бабай уңган да соң:
Ясый таулар, ясый боз.
Без, аңа бүләк итеп,
Кар бабайлар ясыйбыз.

0

0

Курчакларым, утырганда,
Күзләрен дә йоммыйлар.
Яткырдыңмы, “Әннә!” диеп
Елыйлар да елыйлар.

0

0

Яшәү тәмен белгәч кенә
Яшәргә иде әле.
Күкрәми генә булса да
Яшьнәргә иде әле.

0

0