Баш хәрефтән башлана ул,

Озын йә кыска була.

Шуны хөрмәт иткән кеше

Телгә бик оста була.

0

0

Татарларның язуына

Ун ел хезмәт иткән ул.

Ничек кире кайтырга дип

Уйлап ята икән ул.

0

0

Ул язуның гомере озын:

Мең елдан артып киткән.

Һәм уңнан сулга языла.

Әйт, нинди язу икән?

0

0

Иң тирәндә ясалам мин,

Тик төрлечә язалар.

Шуңа күрә әйтә алмый

Мине кайбер балалар,

Хәтта абый, апалар.

0

0

Җөмләләрне төзегәндә,

Булыша алтыбыз да.

Безне онытырга сезнең

Юктыр бер хакыгыз да.

0

0

Бер гаиләдә алтау без,

Исем, зат алмашлыкларын

Төрләндереп ятабыз.

0

0

Томау төшкән кешеләр

Хәлебезне аңлыйлар.

Чөнки безне дөрес итеп

Алар әйтә алмыйлар.

0

0

Без бары тик дүртәү генә

Койрык тагып йөрүче.

Без нинди хәрефләр икән,

Бармы берәр белүче?

+1

0

Безне татар сүзләреннән

Эзләп таба алмассыз.

Дөресен әйтеп бирсәгез

Оятка да калмассыз.

0

0

Алфавитта алты хәреф:

Иң дуслар һәм туганнар.

Татар сүзләрендә генә

Кулланыла торганнар.

0

0