Район үзәге, шәһәр дә

Башкортстан чигендә.

Шуннан Фәнис Яруллинны

Белми икән кем генә.

+1

0

Хәтерли ул Болгар дәүләтен дә,

Алтын Урда, Казан ханлыгын.

Без беләбез шушы матур җирдә

Шәкүр каракның туганлыгын.

+1

0

Казан арты районы,

Арчадан киткән чыгып.

Сибгат Хәким, Мәрҗаниләр

Шул җирдә үскән ныгып.

+1

0

 Шөгер диеп тә йөрткәннәр,

Булган  ул Яңа Писмән.

Чишмәләргә иң бай төбәк,

Шуңа да чыкмый истән.

+2

0

Балыгы  күп булгангамы,

Шундый исем биргәннәр.

Татарстанда иң чиста

Район  ул, дигәннәр.

+1

0

 Ул исемне һәркем белә,

Хәтта сабый бала да.

Халкы – авылда, үзәге –

Чаллы дигән калада.

+1

0

Туграсында аю бабай,

Көмеш балтасын тотып,

Бик тырышып, бура бурый,

Бар дөньясын онытып.

+1

0

 Өяз үзәге дә булган,

“Кыдыл бодау” да диләр.

Гаҗәп моңлы көе дә бар,

Ләкин яшьләр белмиләр.

+3

0

Казаннан ерак та түгел,

Күп милләтләр үз иткән.

Мишә елгасы буенда

Чүлмәкчеләр күп икән.

+1

0

 Беренче анда таң ата,

Беренче Илбаш аннан.

Беркайчан да төшкәне юк

“Иң яхшы” дигән саннан.

+3

0