Безгә кунаклар килде

DSC00025 (NXPowerLite)31 нче май көнне Яр Чаллы язучылар бүлеге рәисе, Татарстанның атказанган  мәдәният хезмәткәре, күренекле язучы һәм шагыйрь, якташыбыз Факил Сафин җитәкчелегендә  өч дистәдән артык Чаллы шәһәрендә чыга торган гәзит һәм журнал хезмәткәрләре, язучылар һәм шагыйрьләр, Чаллы шәһәре администрациясе вәкилләре Мөслимгә кунак булып килделәр. Алар Мөслимнең үзәк урамнары, сквер, парклары, музей, китапханәсе белән танышканнан соң, Татарстанның атказанган сәнгать эшлеклесе, Гаяз Исхакый исемендәге бүләк иясе, танылган шагыйрь Харрас Әюпнең туган туган авылы Түрешкә дә бардылар һәм аның каберен зыярәт кылдылар, Харрас чишмәсен карап хозурландылар.Чишмә буенда концерт номерлары да күрсәтелде.

 

Якташыбыз зурланды

10 март көнне Зифа Басыйрова исемендәге мәдәният сараенда  Мөслимдә яшәп иҗат итүче язучы һәм драматург, Габдулла Тукай  исемендәге Дәүләт бүләге иясе, Халык язучысы Фоат Садриевның 75 яшьлек юбилее билгеләп үтелде. Тантанага Казан, Чаллы, Әлмәт, Азнакай шәһәрләреннән дә кунаклар килгән иде. Язучыны котлаулар матур концерт номерлары белән үрелеп барды.

Дусайда кызыклы очрашу

5 нче мартта Дусай авылы клубында авыл тарихын, шәҗәрәләрне, аның күренекле шәхесләрен өйрәнү һәм аларны киләчәктә китап итеп бастырып чыгару  максаты белән халык җыены үткәрелде.Авыл халкы алдында Татарстан Республикасының атказанган укытучысы Бания Әхмәтҗанова, Татарстан Республикасының атказанган мәдәният хезмәткәре, шагыйрә Лилия Садриева,  балалар шагыйре Мөҗәһит Әхмәтҗановлар чыгыш ясады.Дусай авылы оныклары, балалары, киленнәре катнашында концерт күрсәтелде.

 

Мөслимнәргә уңыш елмайды

«Ел китабы–2014» конкурсына йомгак ясалды

04.03.2016

Татарстан Республикасының Милли китапханәсе Мәдәният министрлыгы, Республика матбугат һәм массакүләм коммуникацияләр агентлыгы белән берлектә үткәрелә торган «Ел китабы–2014» конкурсына йомгак ясады.

Конкурста 314 китап катнашты, шуларның 39-ы – чәчмә әсәрләр (проза), 54-е – тезмә әсәрләр (шигърият), 43-е – балалар әдәбияты, 43-е – рус телендә чыккан матур әдәбият, 64-е – татар телендәге публицистика һәм фәнни-популяр әдәбият, 71-е – рус телендәге публицистика һәм фәнни-популяр әдәбият китаплары.

Татарстан нәшриятларында 2014 нче елда дөнья күргән, 2015 нче ел дәвамында иң күп укылган китапларны билгеләүдә республикабызның 1526 китапханәсе катнашты.

Татарстанның халык язучысы Гәрәй Рәхим җитәкчелегендәге жюри 2016 нчы елның 3 нче мартында җиңүчеләрне билгеләде.

«Чәчмә әсәрләр» номинациясендә:

1 нче урын Роза Хәбибуллинаның «Мулла килене»;

2 нче урын Рәмзия Габделхакованың «Нишләттегез Гөлкәйне?!»;

3 нче урын Гомәр Бәшировның «Туган ягым – яшел бишек» китапларына бирелде.

Кадим Җәмитнең «Килмешәк», Фәрит Яхинның «Умырзая» китаплары кызыксындыру бүләкләренә лаек булды.

«Балалар әдәбияты» номинациясендә:

1 нче урынга Айгөл Әхмәтгалиеванең «Мин гашыйк булдым»;

2 нче урынга Әлфис Гаязовның «Мин бәләкәй бит әле!»;

3 нче урынга Мөҗәһитнең «Баллы җәй» китаплары чыкты.

Ганс Христиан Андерсенның «Дюймовочка» (мөхәррире – Эльвира Кәлимуллина), «Куян кызы» (төзүчесе – Гөлнара Мансурова) китаплары кызыксындыру бүләкләренә лаек булды.

«Рус телендә чыккан матур әдәбият» номинациясендә:

1 нче урын Габдрахман Әпсәләмовның «Избранные произведения: в 5 т. Т.4»;

2 нче урын Факил Сафинның «Заблудившийся рассвет»;

3 нче урын Әхәт Мушинскийның «Белые Волки» китапларына бирелде.

Александр Пушкинның «Сказки=Әкиятләр» (төзүчеләре – Гөлнара Мансурова, Талия Шакирова) китабы кызыксындыру бүләгенә лаек булды.

«Рус телендәге публицистика һәм фәнни-популяр әдәбият» номинациясендә:

1 нче урынны Марсель Бакировның «Древнетюркская поэзия»;

2 нче урынны Марсель Галиевнең «Поэзия духа=Рух»;

3 нче урынны Рамиль Сарчинның «Жизнь и судьба Фатиха Карима» китаплары алды.

Искәндәр Гыйләҗев белән Ләйлә Гатауллинаның «Российские солдаты-мусульмане в германском плену в годы Первой мировой войны (1914–1920)», Илдус Заһидуллинның «Татарское национальное движение в 1860–1905 гг.», Алсу Мөхәммәтшинаның «Ислам в Среднем Поволжье» китаплары кызыксындыру бүләкләренә лаек булдылар.

(Илдус Заһидуллин — Әмәкәй кияве)

Күпсанлы китап укучылар исеменнән җиңүчеләрне котлыйбыз һәм иҗатларында, фәнни эшләрендә уңышлар телибез!

Берьюлы ике чара

18 нче гыйнвар көнне Татарстан Язучылар берлегенең Әлмәт бүлегендә Габдулла  Тукай  исемендәге Дәүләт бүләгенә кандидатлар күрсәтү булды. 2016 нчы елда тапшырылачак бүләккә шагыйрь, Һ.Такташ исемендәге   әдәби бүләк иясе Илдус Гыйләҗев тәкъдим ителде.Шул ук көнне Илдус Гыйләҗевнең 70 яшьлек  юбилее дә тантаналы төстә билгеләп үтелде.

2016-01-18 09-01-10 (NXPowerLite)2016-01-18 09-15-20 (NXPowerLite)2016-01-18 11-07-26 (NXPowerLite)

Табышмаклар

Аның маршын Мәскәүдәге
“Кызыл мәйдан” тыңлаган.
Ә җырлары бүгенгәчә
Яңгырыйлар, тынмаган.
(Салих Сәйдәшев)
“Апуш” та ул, “Шүрәле” дә,
Район да, урам да.
Һәйкәленең исәбе юк,
Уйлап – уйлап торам да…
(Тукай)
Үзе рәссам, үзе сынчы,
Шәмаилләр остасы.
Моңлы җырчы гына түгел,
Олы галим, кыскасы.
(Бакый Урманче)
Сарман сандугачы булып,
Тарихка керде инде.
Үзенә дигән таҗны да
Моңыннан үрде инде.
(Илһам Шакиров)

Икенче китап әзер

29 декабрьдә сугыш һәм хезмәт ветераны Әхсән Шәриповка 90 яшь тулды. Шул уңай белән аның юбилеена багышланган тантанада район хакимияте башлыгы Рамил Муллин аңа  «Утлы еллар аша» китабының дәвамын тапшырды. Ул китап Елгабаш авылы егете Рәшит Хәбировның матди ярдәме белән дөнья күрде.Китап 500 данәдә басылды.

 

 

 

Язучылар бәйрәм итте

24 нче  декабрь көнне Әлмәт Язучылар оешмасында әдәбият елы уңаеннан тантаналы җыелыш узды. Анда районыбызда яшәп иҗат итүче язучылар :Фоат Садриев, Роза Хәбибуллина, Мөҗәһит Әхмәтҗанов Һәм «Авыл утлары» гәҗите редакторы Рөстәм Зәкиевләр катнашты.

DSC09236 (NXPowerLite)DSC09239 (NXPowerLite)DSC09243 (NXPowerLite)DSC09244 (NXPowerLite)DSC09247 (NXPowerLite)DSC09248 (NXPowerLite)DSC09258 (NXPowerLite)DSC09260 (NXPowerLite)DSC09272 (NXPowerLite)

 

Чаллы Язучылар берлегенә — 35 ел

4 нче декабрьдә Чалы шәһәрендә Язучылар берлеге оешуга (җитәкчесе  — безнең якташыбыз — язучы, шагыйрь ,үзешчән композитор, филология фәннәре  кандидаты Факил Сафин) 35 ел тулу уңаеннан зур чара үткәрелде.  Анда безнең районнан да бер төркем язучылар һәм шагыйрьләр катнашты.

DSC09170 (NXPowerLite)DSC09174 (NXPowerLite)DSC09175 (NXPowerLite)DSC09178 (NXPowerLite)DSC09179 (NXPowerLite)DSC09180 (NXPowerLite)DSC09184 (NXPowerLite)DSC09189 (NXPowerLite)DSC09191 (NXPowerLite)DSC09193 (NXPowerLite)DSC09196 (NXPowerLite)DSC09201 (NXPowerLite)