“Ак шәһәр” дә диләр аны,
Казаннан аз калыша.
Күп калаларга бирешми,
Һаман да бил алыша.

+2

0

Таулары биек булганга,

Шундый исем биргәннәр.

Казанга кадәр араны

Җәяүләп тә йөргәннәр.

+4

0

“Ике мари” дигән сүздән

Биргәннәр аңа исем.

Киез итекләрен күрсәң,

Билләһи, китәр исең.

+3

0

Кара майның башкаласы,

Театрлы, көллиятле.

Ул шәһәрне белү кирәк,

Бу бик әһәмиятле.

+4

0

Нократ буендагы шәһәр,

Район үзәге дә.

“Ак кирмән” дип тә йөрткәннәр,

Губерна өязе дә.

+3

0

Казаннан ерак та түгел,

Нәкъ Иделнең буенда.

Шуңа да суднолар башта

Шул Иделдә коена.

+2

0

Тимерьюлчылар шәһәре,

Үстерәләр иген дә.

Иж елгасы янында ул,

Татарстан чигендә.

+2

0

Кайчандыр бу җирләрдә

Бары тик байлар торган.

Икенче Дәүләт башлыгы

Нәкъ шул җирлектә туган.

+2

0

Чатыртау һәм кара алтын

Аңа китерә данны.

Күренекле кешеләре

Бизи Татарстанны.

+2

0

Шәһәрнең көнбатышында,

Урманга бай, паркка…

Аңа була Казансу һәм

Идел белән барып та.

0

0